Førebygging av sjølvmord

Dette viser ein fersk rapport frå Kunnskapssenteret om førebygging av sjølvmord.

– Rapporten bygger på oversikter som er utarbeidd ved andre senter. Desse fann vi gjennom systematiske søk i medisinske databasar, seier prosjektleiar Kurt I. Myhre.

Forskarane fann få studiar, og fleirtalet av dei dei fann, inkluderte få pasientar. I tillegg var mange av studiane metodisk svake. Rapporten syner at det er eit stort behov for forsking.

– På bakgrunn av dette kunnskapsgrunnlaget er det vanskeleg å slå fast kva for tiltak som har effekt, fortel Myhre.

Fleire studiar har undersøkt ulike tiltak som tek sikte på å fremje kontakten mellom pasienten og det psykiske helsevernet, men ingen av dei er gode nok til at ein kan slå fast effekten av slike tiltak. Oppfølging gjennom lokalt baserte psykiatriteam av pasientar med ei alvorleg psykisk liding er eit tiltak som ser ut til å redusera talet på sjølvmord. I norsk psykisk helsevern er distriktspsykiatriske senter det næraste ein kjem dette.