Psykologspesialist/psykolog

Klinikk psykisk helsevern for barn og unge har fleire poliklinikkar og sengepostar. Klinikken tilbyr barn og unge opp til 18 år utgreiing og behandling av psykiske lidingar. BUP Voss er ein allmenn poliklinikk som dekkjer seks kommunar (Ulvik, Voss, Kvam, Vaksdal, Eidfjord og Jondal). Poliklinikken har 19 tilsette, med ulik fagleg bakgrunn.

BUP Voss har ledig ein 100 % fast stilling som psykologspesialist/psykolog. For stillinga er det krav om dokumentert autorisasjon og særs god meistring av norsk skriftleg og munnleg. Vedkommande som får tilbod om tilsetjing må leggje fram tilfredsstillande politiattest (vandel), jfr Lov om helsepersonell § 20a.

Poliklinikken er lokalisert på Voss. Bygda vår er full av ekstreme kontrastar. Anten om det er natur, kultur eller sport som ligg ditt hjarta ‭nærmast, så lovar me å få det til å pumpa. På Voss vert du møtt av eit levande bygdesamfunn med eit mangfald av opplevingar å velja mellom. Voss ligg i hjartet av Fjord-Noreg, midt mellom Bergen, Hardangerfjorden og Sognefjorden. Kommunen har om lag 15.000 innbyggjarar, og er eit knutepunkt for buss og tog. Voss har blitt verdskjend som ekstremsportbygda, og her kan du prøva deg på alt frå fallskjermhopping til rafting i trygge omgjevnader. På sommaren kan du boltra deg på uttallege vandreruter i Vossefjella, og på vinteren har du to skisenter å velja mellom. Voss Gondol, som startar på togstasjonen og tek deg rett til fjells, går heile året.

Arbeidsoppgåver 

• Utgreiing og behandling av barn og unge
• Koordinatoransvar for pasientar
• Rettleiing av foreldre
• Samarbeid med andre delar av spesialisthelsetenesta og 1. linetenesta
• Familie- og systemarbeid
• Tverrfagleg samarbeid

Kvalifikasjonar 

• Norsk autorisasjon
• Klinisk psykolog
• Ønskjeleg med erfaring frå utgreiing og behandling av psykiske vanskar hjå barn og unge
• For stillinga er det krav om særs god meistring av norsk, skriftleg og munnleg

Personlege eigenskapar 

• Trivast i eit tverrfagleg miljø og meistrar høgt tempo på arbeid
• Evne til å jobba både sjølvstendig og systematisk
• Bidrar positivt til eit fagleg og kollegialt godt arbeidsmiljø
• Erfaring frå og ønskje om å arbeide i eit tverrfagleg team
• Erfaring med DIPS er ein føremon
• Vi vil leggje stor vekt på personlege eigenskapar

Vi tilbyr 

• Lønn i samsvar med gjeldande overeinskomst
• Triveleg arbeidsmiljø
• Høgt fagleg nivå
• Fagleg og personleg utvikling
• Få arbeide både sjølvstendig med pasientarbeid og i team
• Moglegheit til å gjennomføre spesialistutdanning
• Rettleiing
• Fjell og vakker natur rett utanfor døren

Kontaktinformasjon: Marianne Stordal Røynesdal, seksjonsleiar, tlf. 56 53 35 35, e-post marianne.stordal.roynesdal@helse-bergen.no

Lenke til annonsen og søk på stillingen